ཁྱེད་ཀྱི་གནས་ཡུལ་ནི། མདུན་ཤོག > འཕྲིན་གསར། > སྤྱི་དོན་གསར་འགྱུར།

ཏོག་གསར་གློ་ཚད་སྔོན་འགོག་གི་བོད་སྨན་ཞིབ་འཇུག་བྱེད་འཆར་འདུག

སྤེལ་དུས། 2020-02-13 18:21:11  རྩོམ་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།  རྩོམ་པ་པོ།   ཀློག་གྲངས།

  ཉེ་ཆར་བོད་རང་སྐྱོང་ལྗོངས་འཕྲོད་བསྟེན་བདེ་ཐང་ཨུ་ལྷན་གྱིས་བོད་ལུགས་གསོ་རིག་གི་རིགས་གཅིག་མཁས་ཅན་དང་མཁས་དབང་སྒྲིག་འཛུགས་བྱས་ཏེ་བོད་སྨན་གྱིས་ཏོག་གསར་གློ་ཚད་སྔོན་འགོག་བྱེད་པའི་ཚན་རིག་ཞིབ་འཇུག་ལས་དོན་བཀོད་སྒྲིག་བྱས་པ་དང་། རིམས་ནད་སྔོན་འགོག་ཁྲོད་ཀྱི་བོད་ལུགས་གསོ་རིག་གི་ཐུན་མོང་མ་ཡིན་པའི་ལེགས་ཆར་བརྟེན་ནས་ 《རྒྱུད་བཞི》དང་དེ་མིན་དཔེ་རྙིང་ཚད་ལྡན་ཡིག་ཆའི་ནང་གི་རིམས་ནད་འགོག་བཅོས་སྐོར་གྱི་རིགས་པའི་གཞུང་ལུགས་ཀྱི་གཞི་འཛིན་སར་དབྱེ་ཞིབ་གཏིང་ཟབ་བྱེད་པ་དང་། རིམས་ནད་འགོག་བཅོས་ཀྱི་གསུང་རབ་ནང་གི་གོ་ཆོད་པའི་བཅོས་ཐབས་ཞིབ་འཇུག་ལེགས་སྒྲིག་བྱེད་པ། ནད་ཐོག་སྨན་བཅོས་ཀྱི་ཞིབ་འཇུག་ལས་དོན་མགྱོགས་མྱུར་སྤེལ་བ། ད་དུང་ད་ཡོད་ཀྱི་རིམས་ནད་ཐད་སྤྱོད་པའི་བོད་སྨན་ཐོན་རྫས་ལ་དབྱེ་ཞིབ་བྱེད་ཤུགས་ཆེ་རུ་གཏོང་བ། ཞིབ་འཇུག་ཇུས་གཞི་ཞིབ་ཕྲ་དང་འཐུས་ཚང་དུ་གཏོང་བ་བཅས་བྱས་ཏེ་ཚན་རིག་དང་མཐུན་པའི་སྒོ་ནས་ཞིབ་འཇུག་གི་ནང་དོན་དང་། བྱ་ཐབས། ནུས་ལྡན་རང་བཞིན་གྱི་དམིགས་ཚད་བཅས་བཟོ་བ་དང་དུས་མཚུངས་སྨན་རྫས་སྦྱོར་རྟ་དང་སྨན་སྤྱོད་ཐབས་ལམ་ཐད་ཤུགས་སྣོན་བརྒྱབ་ནས་དབྱེ་ཞིབ་དང་ཞིབ་འཇུག་གཏིང་ཟབ་བྱས་ཏེ་སྤྱོད་གོ་ཆོད་པའི་བོད་སྨན་ཐོན་རྫས་གང་མགྱོགས་ཞིབ་བཟོ་བྱེད་དགོས་པའི་བླང་བྱ་བཏོན་འདུག

རྩོམ་སྒྲིག་པ། ཆབ་འགག་ཇོ་རུ།

ཉེ་བའི་གསར་བསྒྱུར།