ཁྱེད་ཀྱི་གནས་ཡུལ་ནི། མདུན་ཤོག > འཕྲིན་གསར། > སྤྱི་དོན་གསར་འགྱུར།

ཀོས་ནན་རྫོང་གི་གཙགས་དྲུབ་གླུ་གར་རིག་གནས་ཡུལ་སྐོར་དུས་ཆེན་སྐབས་དྲུག་པ་དང་མཛེས་མ་ལྗོངས་རྒྱུ་ཁུལ་འགོ་ཚུགས་པའི་མཛད་སྒོ་བསྡུས་པ།

སྤེལ་དུས། 2020-09-04 15:23:04  རྩོམ་ཁུངས། ཀྲུང་གོ་བོད་ཀྱི་དྲ་བ།  རྩོམ་པ་པོ། ཀླུ་འབུམ་ཚེ་རིང་། གངས་བསོད།  ཀློག་གྲངས།

微信图片_20200904131347.jpg

  ཟླ9པའི་ཚེས3ཉིན། ཀྲུང་གུང་ཀོས་ནན་རྫོང་ཨུ། རྫོང་མི་དམངས་སྲིད་གཞུང་གིས་གཙོ་སྒྲུབ་དང་། ཀོས་ནན་རྫོང་རིག་གནས་ལུས་རྩལ་ཡུལ་སྐོར་རྒྱང་སྒྲོག་བརྙན་འཕྲིན་ཅུའུ། བྱ་མདོ་མི་དམངས་སྲིད་གཞུང་། བོད་ལྗོངས་འབྲི་ཆུ་དངུལ་གཏོང་ཚད་ཡོད་འགན་ལེན་ཀུང་ཟི་བཅས་ཀྱིས་འགན་འགན་སྒྲུབ་གནང་བའི། ཀོས་ནན་རྫོང་གི་གཙགས་དྲུབ་གླུ་གར་རིག་གནས་ཡུལ་སྐོར་དུས་ཆེན་སྐབས་དྲུག་པ་དང་མཛེས་མ་ལྗོངས་རྒྱུ་ཁུལ་འགོ་ཚུགས་པའི་མཛད་སྒོ་བྱ་མདོ་ཞང་དུ་བསྡུས་ཤིང་། ཁུལ་དང་རྫོང་རིམ་པའི་འགོ་ཁྲིད་མཛད་སྒོར་ཞུགས།

ldao.jpg

zhaxinima.jpg

zhongbei.jpg

yangjianlamu.jpg

yanchu.jpg

geshou.jpg

tiaowu.jpg

zhuoma.jpg

tiaowu02.jpg

  ཐེངས་འདིའི་མཛད་སྒོར“ལས་དབང་གི་མཇལ་འཕྲད་”ཅེས་པ་བརྗོད་དོན་དུ་བྱས་ཏེ། སྙན་ཞིང་འཇེབས་པའི་གླུ་གར་དང་བྱ་མདོའི་མཛེས་མའི་སྒེག་ཉམས་ལྡན་པའི་ཞབས་བྲོའི་སྟངས་སྟབས་དང་འགྲོགས་ནས་རིག་རྩལ་འཁྲབ་སྟོན་དངོས་སུ་འགོ་བརྩམས། རང་བྱུང་ཡུལ་ལྗོངས་ཀྱི་བཀོད་པ་དང་། བོད་ཀྱི་སྲོལ་རྒྱུན་ཟས་རིགས་སྣ་ཚོགས། དེ་མིན་གསོན་ཉམས་དོད་པའི་དམངས་སྲོལ་རིག་གནས་ཀྱི་ཁྱད་ཆོས་ཀྱིས་ཡོངས་སུ་ཕྱུག་པའི་མཛེས་མ་ཤོམ་འགྲོའི་མི་རིགས་གྱོན་གོས་འགྲེམ་སྟོན་སོགས་གཞི་གཅིག་ཏུ་བྱས་ཏེ་ས་གནས་ཀྱི་ཐུན་མིན་རིག་གནས་ཀྱི་གཟི་བྱིན་མངོན་པར་བྱས། རིག་རྩལ་འཁྲབ་སྟོན་མཇུག་རྫོགས་རྗེས། མཛད་སྒོར་ཞུགས་པའི་འགོ་ཁྲིད་དང་སྐུ་མགྲོན། རྒྱ་ཆེའི་ལྟད་མོ་བ་ཡོངས་ཟས་རིགས་འགྲེམས་སྟོན་ཡུལ་དངོས་སུ་སོང་ནས་བོད་ཟས་སྣ་ཚོགས་ཀྱི་རོ་བཅུད་ལ་རོལ་མྱོང་བྱས་པ་མ་ཟད། ཐང་ག་འབྲི་བཞེངས་དང་གཙེགས་དྲུབ་བཟོ་ལས་སོགས་ལ་ལྟ་སྐོར་བྱས་པས། ཀོས་ནན་རྫོང་ལ་མཐོ་སྒང་འབྲོག་གི་རྩྭ་ཐང་གི་ཕ་ཡུལ་དང་། བོད་ཀྱི་གཙེགས་དྲུབ་ཀྱི་ཕ་ཡུལ། བོད་ལུག་གི་ཕ་ཡུལ་ཞེས་པའི་མཚན་སྙན་མིང་དོན་དང་མཚུངས་བ་ཞིག་ཡིན་པ་ཡང་བསྐྱར་ཀུན་ལ་བག་ཆགས་ཟབ་མོ་བཞག

微信图片_20200904130539.jpg

微信图片_20200904130557.jpg

微信图片_20200904130601.jpg

微信图片_20200904130553.jpg

  རྒྱུས་ལོན་བྱུང་བ་ལྟར་ན། ཉེ་བའི་ལོ་འདི་འགའི་རིང་། མཚོ་ལྷོ་ཁུལ་ཏང་ཨུ་དང་ཁུལ་མི་དམངས་སྲིད་གཞུང་། ཞིང་ཆེན་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་། ཞིང་ཆེན་དབུལ་སྐྱོར་ཅུའུ། ཞིང་ཆེན་རིག་གནས་ཡུལ་སྐོར་ཐིང་བཅས་ཀྱི་བླ་མེད་རྒྱབ་སྐྱོར་འོག ཀོས་ནན་རྫོང་ཨུ་དང་རྫོང་སྲིད་གཞུང་གིས་ཧྲིན་ཀྲང་ཝང་ཅུན་ཅོན་གྱི“མཛེས་པའི་ཡང་རྩེ་ནི་མི་ཡིན”ཞེས་པའི་དགོངས་དོན་ལག་ལེན་དུ་བསྟར་ནས། རྒྱལ་ཡོངས་ཀྱི་ནགས་ཚལ་ཞང་སྡེའི་ཁག་གཉིས་པར་བདམས་པའི་བྱ་མདོ་ཞང་སྡེ་མང་ལ་མཛེས་མ་ལུང་ལྗོངས་རྒྱུ་ཁུལ་འཛུགས་བསྐྲུན་བྱས་ཏེ། རིག་གནས་དང་ཡུལ་སྐོར་ཟུང་དུ་སྦྲེལ་གྱིས་དབུལ་ཐར་འགག་སྒྲོལ་གྱི་དམིགས་འབེན་མངོན་འགྱུར་བྱེད་པའི་ཞང་སྡེའི་ལྗོངས་རྒྱུའི་ལོ་རྒྱུས་ཀྱི་དཔང་རྟགས་གསར་བ་བསྐྲུན་པས། གནས་འདི་རུ་སྲོལ་རྒྱུན་རིག་གནས་སྲུང་འཛིན་དང་རྨ་ཆུའི་རིག་གནས་འཕེལ་རྒྱས་བཏང་ནས། དམངས་ཡོངས་འབྱོར་འབྲིང་སྤྱི་ཚོགས་སུ་བསྐྱོད་པའི་བགྲོད་ལམ་གསར་བ་ཞིག་གི་སྒོ་མོ་ཡངས་བར་ཕྱེས།

mumin.jpg

zouxiu.jpg

zouxiu2.jpg

zouxiu3.jpg

  ཀོས་ནན་རྫོང་ནི་ཞིང་ཕྱུགས་ཐོན་ལས་དང་། རྩྭ་ཐང་། ནགས་ཚལ། བྱེ་ཐང་སོགས་ཀྱི་རང་བྱུང་ཐོན་ཁུངས་ཕུན་སུམ་ཚོགས་པའི་གནས་ཁྱད་པར་བ་ཞིག་ཡིན་སྟབས། མཚོ་སྔོན་ཞིང་ཆེན་གྱི་མཐོ་སྒང་སྐྱེ་ཁམས་ཁོར་ཡུག་དང་འབྲོག་ཞིང་ལས་འཕེལ་རྒྱས་གཏོང་བའི་རྟེན་གཞི་གཅོ་བོའི་གྲས་སུ་ཚུད་ཡོད་ལ། 2019ལོ་ནས་བཟུང་མུ་གེ་ཐང་བྱེ་ཐང་གི་ཐོན་ཁུངས་བེད་སྤྱོད་གང་ལེགས་ཀྱིས་རྐང་ཐང་དུ་བྱེ་ཐང་བརྒལ་བའི་ལུས་རྩལ་འགྲན་བསྡུར་སྤེལ་བར་བརྟེན། ཞིང་ཆེན་ཕྱི་ནང་གི་ཡུལ་སྐོར་ལྗོངས་རྒྱུ་བ་སྔར་བས་མང་པོའི་ཡིད་ཀྱི་བསྟན་པ་རབ་ཏུ་འཕྲོག་ནས་བྱེ་ཐང་གི་བྱ་འགུལ་མང་དུ་སྤེལ་ཏེ། བྱེ་ཐང་ཐོན་ཁུངས་ཡུལ་སྐོར་ལྗོངས་རྒྱུ་ཅན་དུ་བསྒྱུར་ཡོད་པ་རེད། །

000001.jpg

000002.jpg

000003.jpg

000004.jpg

000005.jpg

000006.jpg

000007.jpg

རྩོམ་སྒྲིག་པ། ཆབ་འགག་ཇོ་རུ།

ཉེ་བའི་གསར་བསྒྱུར།